سکۆتەر گەیشتە دەست پۆلیسی زاخۆ

ئاڤا نیوز

 

بەڕێوەبەرایەتیی پۆلیسی هاتووچۆی زاخۆ دوو سکۆتەری بەمەبەستی ئاسانکاری هاتووچۆ بۆ کارمەندانی بەڕێوەبەرایەتییەکەی دابین دەکات.

 

لێدوانی فەرمی:  مقەدەم محەممەد سلێمان، بەرپرسی ڕاگەیاندنی هاتووچۆی ئیدارەی سەربەخۆی زاخۆ بە ئاڤای ڕاگەیاند: دوو سکۆتەرمان وەکو تاقیکردنەوەی ئەزموونیی ( تێست) بۆ ئاسانکاریی هاتووچۆ دابینکردووە، ئەگەر سوودیان هەبوو ئەوا لە داهاتوودا ژمارەیان زیاد دەکەین.

 

زانیاریی زیاتر: سکۆتەرەکان بەمەبەستی ئاسانکاریی هاتووچۆی کارمەندەنەکان لە دەورووبەری پردی دەلال لە زاخۆ بەکاردەهێنرێن.

 

ئەمەش بزانە: سکۆتەرەکان دژی خۆر و بارانن، لە ڕێگەی بارگاوییکردنەوە کار دەکەن. 

 

قوڵتر: ئەم سکۆتەرانە سێ مۆدییان هەیە و لە کاتژمێرێکدا بەکارهێنەر دەتوانێت بە خێرایی 25، 35 و 40 کیلۆمەتر لێیان بخوڕێت.