شاندی هەرێمی کوردستان و وەزارەتی دارایی عێراق لەبارەی یاسای خانەنشینی لە کۆبوونەوەدان

ئاڤا نیوز

 

شاندی هەرێمی کوردستان لەگەڵ بەرپرسانی وەزارەتی دارایی عێراق  لە بەغدا لە کۆبوونەوەدان بۆ گفتوگۆکردن لەبارەی ئەگەرەکانی پەیرەوکردنی یاسای خانەنشینی یەکگرتوو.

 

وێنە گەورەکە: شاندێکی حکومەتی هەرێمی کوردستان لە بەغدان بۆ گفتوگۆکردن لەبارەی پرسی مووچە و کێشە هەڵپەسێردراوەکانی نێوانیان.

 

ڕاگەیێنراوی فەرمی: وەزراتی دارایی عێراق ڕایگەیاند: محەممەد حەمزە، بەڕێوەبەری گشتیی بەڕێوەبەرایەتیی یاسایی عێراق لە کۆبوونەوەدایە لەگەڵ بەڕێوەبەرانی گشتیی خانەنشین و چاودێریی کۆمەڵایەتیی حکومەتی هەرێمی کوردستان سەبارەت بە ئەگەرەکانی پەیڕەوکردنی یاسایەکی یەکگرتوو لەسەر خانەشینانی حکومەتی هەرێمی کوردستان.

 

ئەوەی پێویستە بیزانیت: ڕۆژی 15ـی ئەم مانگە، ئومێد سەباح سەرۆکی دیوانی ئەنجوومەنی وەزیرانی حکومەتی هەرێمی کوردستان لە چاوپێکەوتنێکی لەگەڵ کەناڵی ئاڤا میدیا گوتی: سبەی یەکشەممە شاندێکی هەرێمی کوردستان دەچێتە بەغدا، و ڕۆژی سێشەممە 17-09-2024 دەست بە کۆبوونەوە دەکەن.