وەزیری تەندروستی: ڕێژەی شێرپەنجە لە هەرێمی کوردستان خوار ستانداردەکانە

ئاڤا نیوز 

 

وەزیری تەندروستیی حکومەتی هەرێمی کوردستان ڕایدەگەیێنێت، ڕێژەی تووشبوون بە شێرپەنجە لە هەرێمی کوردستان لە خوار ستانداردەکانە و %0.15 ـیە.

 

وێنە گەورەکە: ئەمڕۆ لەلایەن سەرۆکوەزیران مەسرور بارزان بەردی بناغەی گەورەترین نەخۆشخانەی چارەسەری شێرپەنجە لە هەولێر دانرا و لەماوەی دوو ساڵدا دەکەوێتە خزمەتی نەخۆشەکان.

 

لێدوانی فەرمی: سامان بەرزنجی، وەزیری تەندروستیی حکومەتی هەرێمی کوردستان لە گوتارێکدا گوتی: هەرێمی کوردستان خاوەنی ژمارەیەک سەنتەری شێرپەنجەیە، نزیکەی 250 جۆری دەرمان بۆ چارەسەری شێرپەنجە بەکاردێن 90%ـیان لە سەنتەرەکان بەردەستن، پێویستە حکومەتی عێراق هەماهەنگی زیاتری هەبێت لەگەڵمان بۆ دابینکردنی دەرمان.

 

زانیاریی زیاتر: لەگەڵ دەستپێکی کارەکانی کابینەی نۆیەم بودجەی تایبەت بۆ چارەسەری نەخۆشیی شێرپەنجە تەرخان کرا و زیاتر لە 285 ملیار دینار دەرمان بۆ چارەسەری شێرپەنجە خەرجکراوە، خەرجی هەر نەخۆشێک 150 بۆ 200 دۆلارە.

 

ئەوەی پێویستە بیزانیت: کەرتی تەندروستی لە ئاستێکی باشدایە و ئێستا لە دەرەوەی وڵات هاووڵاتییان دەگەڕێنەوە هەرێمی کوردستان بۆ وەرگرتنی چارەسەری.