لە پڕۆژەیەکی درێژخایەندا قەڵای هەولێر نۆژەن دەکرێتەوە

ئاڤا نیوز

 

قەڵای هەولێر کە مێژووەکەی بۆ شەش هەزار ساڵ لەمەوبەر دەگەڕێتەوە و لە ساڵی 2014 وە چووەتە ناو لیستی کەلەپووری جیهانی، لە پڕۆژەیەکی درێژخایاندا  نۆژەن دەکرێتەوە. 

وێنە گەورەکە: لە ساڵی 2007 وە کۆمیسیۆنی باڵای بوژانەوەی قەڵا دامەزراوە، نیهاد قۆجە، سەرۆکی کۆمیسۆنەکە  بەوردی سەرپەرشتی کارەکان دەکات. ڕێکخراوی یونسکۆ ماستەرپلانی نۆژەنکردنەوەی قەڵای بۆ ماوەی 25 ساڵ داناوە و چاودێریشی دەکات.

 

زانیاریی زیاتر: شەقامی سەرەکی قەڵا لەسەر ڕووبەری نزیکەی 5 هەزار مەتر دووجا بە بەردی تایبەت ڕووپۆش دەکرێت.  430 خانووش کە ساڵانە لە وەرزی بارانبارین مەترسی ڕووخانیان دەکەوێتە سەر، لە چوارچێوەی پڕۆژەکە  خانووەکان و شوورەی قەڵاش نۆژەن دەکرێنەوە.

 

ئەمەش بزنە: لە چوارچێوەی پڕۆژەکە قاوەخانە، چایخانە، مۆزەخانە، کەپر و شوێنی پشوودان دروست دەکرێن. پێش دەستپێکردنی پڕۆژەکە ڕۆژانە زیاتر لە هەزار گەشتیار و سەردانیکار سەردانی قەڵایان دەکرد، دوای تەواوبوونی چاوەڕوان دەکرێت ئامارەکە زۆر زیاتر بکات.