کێشەی گەڕانەوەی عومرەکاران چارەسەر کرا

ئاڤا نیوز 

 

پێنج ڕۆژە دوو هەزار و 400 عومرەكاری كورد و عەرەب لە سعودیە گیریان خواردووە و نەیانتوانیوە بگەڕێنەوە هەرێمی كوردستان و عێراق، ئاڤا نیوز بەدواداچوون بۆ گرفتەكەیان دەكات.

 

هۆکارە زانراوەکان: چەند ڕۆژێكە هێڵی ئاسمانیی عێراق، گەشتەكانی لەگەڵ وڵاتی سعودیە ڕاگرتووە و هیچ فڕۆكەیەک نەبوو ئەو عومرەكارانە لە سعودیە بگەڕێنێتەوە بۆ عێراق.

 

لێدوانی فەرمی: شێخ نیاز راغب نەقشبەندی، بەرێوەبەری گشتیی حەج و عومرەی کوردستان ڕایگەیاند: گرفتی گەڕانەوەی عومرەکارانی کوردستان لە سعودیە چارەسەر کرا و سبەی هەینی ڕێکەوتی 20-09-2024 گەشتەکانی عومرە بە شێوەی چوون و گەڕانەوە بۆ عەرەبستانی سعوودیە دەستپێدەکەنەوە. 

 

زانیاریی زیاتر: بەشێک لە عومرەكاران لە ڕێگەی وشكانییەوە بەرەو عێراق بەڕێ كەوتوون و ئێستا ژمارەیەک پاس لەڕێگەیە، ژمارەیان نزیكەی 100 عومرەكارە.