پڕۆژەی کارەبای 24 کاتژمێری قۆناغی باشی بڕیوە

ئاڤا نیوز

 

پڕۆژەی ئەزموونی کارەبای 24 کاتژمێری لە چەند گەڕەکێکی هەولێر جێبەجێ کراوە، هاوکات لە ئێستادا ئەو پڕۆژەیە قۆناغی باشی بڕیوە. 

 

چیرۆکی سەرەکی: کەمال محەممەد ساڵح، وەزیری کارەبا سەرپەرشتیی کۆبوونەوەیەکی فراوانی لەبارەی چۆنیەتیی جێبەجێکردنی پڕۆژەی ئەزموونی کارەبای 24 کاتژمێری کرد لە بەشێکی تری هەولێر.

 

زانیاریی زیاتر: لە کۆبوونەوەکەدا تیمی نووسینگەی سەرۆکوەزیران مەسرور بارزانی ئامادە بوون، وردەکاریی قۆناغی جێبەجێکردنی پرۆژەکە خرایەڕوو، هەنگاوی باش لەو گەڕەک و شوێنانەی هەولێر نراوە کە پرۆژەکەی تێدا جێبەجێ کراوە، لەلایەن دانیشتووانی ئەم گەڕەکانەوە پێشوازیی باشی لێکراوە و چەندین موەلیدە کوژاونەتەوە و بارزۆریی سەر کارەبا کەم بووەتەوە.

 

ئەوەی پێویستە بیزانیت: پرۆژەی ئەزموونی کارەبای 24 کاتژمێری لە هەموو شار و ناوچەکانی هەرێمی کوردستان جێبەجێ دەکرێت، ئێستا بە شێوەی ئەزموونی لە چەند گەڕەکێکی هەولێر دەست بە جێبەجێکردنی کراوە.