سەرۆكوەزیران بەردی بناغەی جووتسایدی شێخان - لالش دادەنێت

ئاڤا نیوز 

 

قایمقامی قەزای شێخان ڕایگەیاند، سەرۆکوەزیران سەردانی قەزای شێخان دەکات و بەردی بناغەی جووتسایدی شێخان - لالش دادەنێت. 

 

وێنە گەورەكە:  ئەمڕۆ شەممە، کاتژمێر 10ی پێشنیوەڕۆ  سەرۆكوەزیران مەسرور بارزانی لە قەزای شێخان دەبێت و بەردی بناغەی پڕۆژەی جووتسایدی شێخان - لالش دادەنێت.

 

لێدوانی فەرمی: سەردار شێخ یەحیا، قایمقامی قەزای شێخان بە ئاڤا نیوزی ڕاگەیاند: ئەو پرۆژەیەی ئەمڕۆ سەرۆکوەزیران دەیکاتەوە ستراتیژیە، چونکە سەنتەری قەزا بە ناحیەكانی ئەتروش، قەسرۆک و بەشێک لە ناحیەی باعەدرێ دەبەستێتەوە.

 

قایمقامی شێخان ئاماژەی بە ئەوەش دا، پڕۆژەکە خزمەتی گەورە بە كەرتی كشتوكاڵ و كەرتی گەشتگوزاری ئایینی دەكات، چونكە پەرستگای لالشیش دەكەوێتە سەر هەمان ڕێگا، ڕۆژانە خەڵكێكی زۆر سەردانی ئەو پەرستگایە دەكەن.

 

ژمارەکان وا دەڵێن: پڕۆژەکە بە گوژمەی 28 ملیار دینار بەردی بناغەکەی دادەنرێت. 

 

ئەوەش بزانە: ماوەی جێبەجێكردنی پڕۆژەكە دوو ساڵە و درێژیی جووتسایدەكەش 12 كیلۆمەترە.