وەزارەتی دارایی: 91 ملیار دینارمان خستە سەر هەژماری بانکیی وەزارەتی دارایی عێراق

ئاڤا نیوز 

 

وەزارەتی دارایی هەرێمی کوردستان بەشی داهاتی نانەوتیی بۆ مانگی پێنج خستە سەر هەژماری بانکی وەزارەتی دارایی فیدراڵ.

 

ڕاگەیێنراوی فەرمی: وەزارەتی دارایی هەرێمی کوردستان ڕایگەیاند، بڕی 91 ملیار و 151 ملیۆن و 784 هەزار دیناریان خستە سەر هەژماری بانکی وەزارەتی دارایی عێراق.

 

زانیاریی زیاتر: ئەو بڕە پارەیە لە بەشی داهاتی نانەوتیی هەرێمی کوردستانە بۆ مانگی ئایاری ئەمساڵ و وەک پشکی گەنجینەی فیدراڵی خرایە سەر هەژماری بانکی وەزارەتی دارایی حکومەتی عێراو لە لقی هەولێری بانکی ناوەندی.

 

لەلایەکی دیکەوە: هەر ئەمڕۆ سەرچاوەیەک لە وەزارەتی دارایی هەرێمی کوردستان بە ئاڤا نیوزی گوت: وەزارەتی دارایی بڕی 572 ملیار دیناری بۆ مووچەی مانگی هەشت خستە سەر هەژماریی وەزارەتی دارایی و لەماوەی داهاتوو لیستی مووچە ڕادەگەیێنن.