کۆڕبەندێکی ئابووری لەنێوان حکومەتی هەرێمی کوردستان و فەرەنسا ڕێکدەخرێت

ئاڤا نیوز

 

شاندێکی هەرێمی کوردستان بە یاوەری وەبەرهێنەرانی کوردستان لە فەرەنسان و بەشداری لە کۆڕبەندێکی ئابووری هاوبەش دەکەن کە ئامانج لێی بەهێزکردنی پەیوەندی نێوان هەردوولایە.

 

وێنە گەورەکە: شاندێکی هەرێمی کوردستان لە سەرۆکی دەستەی وەبەرهێنان، وەزیری شارەوانیی و گەشتوگوزار، وەزیری کشتوکاڵ و بەرپرسی فەرمانگەی پەیوەندییەکانی دەرەوە لەگەڵ 60 وەبەرهێنەری کورد کە لە بوارە جیاوازەکان پێکهاتووە، لەگەڵ حکومەتی فەرەنسا و وەبەرهێنەرانی ئەو وڵاتە کۆدەبنەوە.

 

لێدوانی فەرمی: محەممەد شوکری، سەرۆکی دەستەی وەبەرهێنانی هەرێمی کوردستان لە کاتی بەشداریکردنی هەواڵەکانی کاتژمێر 09:00 بەیانی ئاڤا میدیا ڕایگەیاند: چەند مانگە ئامادەکاریی بۆ ئەم کۆڕبەندە کراوە و ئامانج لێی پەرەپێدانی بازرگانی و وەبەرهێنانە و سبەینێ دەست بە کارەکانی دەکرێت.

 

زانیاریی زیاتر: ئەم کۆڕبەندە گرنگە چونکە چەندین کۆمپانیای فەرەنسی لە هەرێمی کوردستانن و لەگەڵ وەبەرهێنەرەکان مامەڵە دەکەن کەرەستە و کاڵا هاوردە دەکەن، هەرێمی کوردستانیش ئامادەسازی دەکات لە ئایندەدا  دەست بە هەناردەکردن بکات.