کۆمەڵەی 7: ڕێگری دەکەین ئێران ببێتە خاوەنی چەکی ئەتۆمی

ئاڤا نیوز

 

وەزیرانی دەرەوەی وڵاتانی 7G داوا دەكەن جیهان لە هاوكاریكردنی ئۆكراینا بەردەوام بێت و دەشڵێن، ڕێگری دەكەن لەوەی ئێران ببێتە خاوەنی چەكی ئەتۆمی.

 

وێنە گەورەكە: لە كۆڕبەندی ئاسایشی میونشن، سەركردەكانی 7G كۆبوونەوە، قسەیان لەسەر دۆخی ئاڵۆزی نێوان ئۆكراینا و ڕووسیا كرد، هەروەها باسیان لە بارودۆخی ئێرانیش كرد و ڕایانگەیاند: نابێت ئێران ببێتە خاوەنی چەكی ئەتۆمی.

 

ڕاگەیێنراوی فەرمی: لە ڕاگەیێنراوی هاوبەشی 7Gـدا هاتووە، بەتووندی سەرکۆنەی هاوكارییەكانی ئێران بۆ ڕووسیا دەكەین لەڕووی سەربازییەوە، هەروەها ڕێگری دەكەین لەوەی ئەو وڵاتە ببێتە خاوەنی چەكی ئەتۆمی.

 

زانیاریی زیاتر: دەبێت ئێران پێدانی هەموو پارچەیەکی یەدەگی درۆن بە ڕووسیا ڕابگرێت، چونکە دەچێتە چوارچێوەی پشتیوانیکردن لە جەنگ و هێرشەکانی سوپای ڕووسیا بۆ سەر ئۆکرانیا.

 

ئەوەی پێویستە بیزانیت: وڵاتانی 7G بەو وڵاتانە دەگوترێت كە زلهێزی ئابووری و سیاسین وەک ئەمریكا، كەنەدا، بەریتانیا، فەرەنسا، ئەڵمانیا، ئیتاڵیا، ژاپۆن.