پارێزگاری دهۆک داوا لە پەكەكە دەکات دەڤەری ئامێدی چۆڵ بکات

ئاڤا نیوز 

 

بەردەوامیی شەڕی پەكەكە و توركیا لە سنووری ئامێدی، دانیشتووانی دەڤەرەكەی هەراسان كردووە و پارێزگاری دهۆكیش داوا لە چەكدارانی پەكەكە دەكات ناوچەكە چۆڵ بكەن.

 

وێنە گەورەكە: 30 ساڵە شەڕی پەكەكە و توركیا لە ناوچە سنووریەكانی هەرێمی كوردستان، بە تایبەت سنووری پارێزگای دهۆک و قەزای ئامێدی بەردەوامە، لە شەش ساڵی ڕابردووشدا 40 هاونیشتیمانی ئەو سنوورە شەهید و برینداربوونە.

 

لێدوانی فەرمی: عەلی تەتەر، پارێزگاری دهۆک لە كۆنفڕانسێكی ڕۆژنامەوانیدا ڕایگەیاند: داوا لە چەكدارانی پەكەكە دەكەین دەڤەرەكە چۆڵ بكەن، چونكە شەڕ لە دەڤەری ئامێدی هیچ لە هاوكێشەی كوردستانی و هەرێمی و نێودەوڵەتی ناگۆڕێت.

 

لەلایەكی دیكەوە: پارێزگاری دهۆک داوا دەكات چەكدارانی پەكەكە واز لە دەڤەرەكە بهێنن، بۆ ئەوەی دەستی ئاوەدانی بگاتە ناوچەكە و خەڵك بگەڕێنەوە سەر ماڵ و حاڵی خۆیان.

 

باكگراوند: بەهۆی بەردەوامی شەڕی پەكەكە و سوپای توركیا لە سنووری ئامێدی تا ئێستا 201 گوند چوڵكراون، حكومەتی هەرێمی كوردستانیش ناتوانێت دەستی ئاوەدانی و خزمەتگوزاری بگەیێنێتە ئەو گوندانە.