نێچیرڤان بارزانی لەگەڵ پارێزگار و بەرپرسانی سلێمانی کۆدەبێتەوە

ئاڤا نیوز

 

سەرۆکی هەرێمی کوردستان گەیشتە  شاری سلێمانی  و لەگەڵ پارێزگار، جێگرانی پارێزگار، قایمقام و بەرپرسانی کارگێڕیی پارێزگاکە کۆدەبێتەوە.

 

وێنە گەورەكە: چەند ڕۆژێكە نێچیرڤان بارزانی، سەرۆكی هەرێمی كوردستان دەستی بە سەردانیكردنی شار و شارۆچكەكانی هەرێمی كوردستان كردووە و لەڕۆژانی ڕابردوودا سەردانی دهۆك و زاخۆ و سۆرانی كرد و لەگەڵ بەرپرسانی كارگێڕیی ئەم دەڤەرانە كۆبووەوە، هاوكات سەردانی پارێزگای هەولێریشی كرد و لەگەڵ پارێزگار و بەرپرسانی كارگێڕیی پارێزگاکە كۆبووەوە.

 

زانیاری پەیامنێر:  زریان کەمال، پەیامنێری ئاڤا لە سلێمانی ڕایگەیاند: دوای کۆبوونەوەی ئەنجوومەنی پارێزگا، نێچیرڤان بارزانی، هەر لەمیانەی سەردانەكەیدا بۆ سلێمانی، وەک جێگری سەرۆكی پارتی دیموكراتی كوردستان لەگەڵ مەكتەبی ڕێكخستنەكانی ( سلێمانی، هەڵەبجە، ڕاپەرین و کەرکووک - گەرمیان)ـی پارتی دیموکراتی کوردستان کۆدەبێتەوە.

 

ئەوەش بزانە: لە سەرجەم كۆبوونەوەكانی چەند ڕۆژی ڕابردووی لەگەڵ بەرپرسانی كارگێڕیی پارێزگا و ئیدارە سەربەخۆكان، سەرۆكی هەرێمی كوردستان جەختی له‌ گرنگيى هه‌ڵبژاردن و كاركردن بۆ سه‌رخستنى كردووەتەوە، هاوكات داواشی كردووە كە هەموو لایەک كار بكەن بۆ ئەوەی بانگه‌شه‌يه‌كى شارستانى و ئارام به‌ڕێوه‌ ببرێت.