بەرەی مقاوەمە: هێرشەکانمان بۆ سەر ئیسرائیل بەردەوام دەبن

ئاڤا نیوز

 

بۆ ڕۆژی دووەم لەسەریەک گرووپە چەکدارەکانی ناسراو بە بەرەی مقاوەمە لە عێراقەوە به‌ فڕۆكه‌ی بێ فڕۆكه‌وان هێرشیان کردە سەر بنکەکانی ئیسرائیل لە بەرزاییەکانی جۆڵان.

 

ڕاگه‌یێنراوی فه‌رمی: بەرەی مقاوەمەی عێراق کە ژمارەیەک گرووپی چەکداری شیعەن و لەلایەن ئێرانەوە پاڵپشتی دەکرێن، ڕایگەیاند، ئەمڕۆ سێشەممە بۆ جاری دووەم به‌ فڕۆكه‌ی بێ فڕۆكه‌وانی "ئەرفەد" هێرشیان کردووەتە سه‌ر ئامانجێک له‌ بەرزاییەکانی جۆڵان بۆ له‌ناوبردنی بنکەکانی ئیسرائیل''.

 

زانیاریی زیاتر: شەوی ڕابردوو ئەو گرووپە چەکدارە به‌ فڕۆكه‌ی بێ فڕۆكه‌وان بنکەی چاودێریی سوپای ئیسرائیلی لە بەرزاییەکانی جۆڵان کردە ئامانج، هەڕەشەی بەردەوامبوون لە هێرشەکانیان دەکەن.

باکگراوند: دوای چربوونەوەی هێرشەکانی ئیسرائیل بۆ سەر حیزبوڵڵای لوبنان، پێرێ شەو بەرەی مقاوەمە بە ژمارەیەک فڕۆکەی بێ فڕۆکەوان هێرشی کردە سەر بنەکەکانی سوپای ئیسرائیل لە بەرزاییەکانی جۆڵان، کە دەکەوێتە نێوان سووریا و ئیسرائیل و لوبنان.

بۆچوونی بەرامبەر: دانیال هەگاری، گوتەبێژی سوپای ئیسرائیل ڕۆژی دواتر هەڕەشەی لە عێراق و ئێران کرد کە لە هەر شوێنێک پێویست بکات ئۆپەراسیۆنی سەربازی دەکەن.