سوید، ئێران بە هێرشێکی ئەلیکترۆنی تۆمەتبار دەکات

ئاڤا نیوز

 

دەسەڵاتدارانی سوید دەزگای هەواڵگری ئێران بەوە تۆمەتبار دەکەن کە لەپشت هێرشە ئەلیکترۆنییەکانی ساڵی 2023 ەیە، بەوەی لە ڕێگەی ناردنی پەیام داوای " تۆڵەکردنەوە"یان دەکرد لەو کەسانەی قورئانیان سووتاند.

 

چیرۆکی سەرەکی: دەستەی داواکاری گشتیی سوید لە بەیاننامەیەکدا بڵاویکردەوە: نزیکەی 15 هەزار کورتە نامە بۆ هاووڵاتییانی ئەو وڵاتە نێردراوە کە داوای تۆڵەسەندنەوە لەو کەسانە دەکات قورئانیان سووتاندووە، نامەکان لە هاوینی ساڵی 2023 نێردراوە، بە ئامانجی هەڵگیرسانی دووبەرەکی لەناو کۆمەڵگەی سویددا.

 

زانیاریی بەدەستهاتوو: بەپێی وتەی داواکارانی گشتی: لێکۆڵینەوەکان دەریانخستووە کە گروپێکی ناسراو بە تیم ئینزۆ لە پشت ئۆپەراسیۆنەکەوە بوون، ئاماژەیان بەوە کردووە کە لێکۆڵینەوەکە داخراوە، چونکە بەدووری نازانرێت تۆمەتباران بدرێنە دادگا.

 

کاریگەری و لێکەوتەکانی: ئەو هەنگاوانە بووە هۆی دروستبوونی قەیرانی دیپلۆماسی لە نێوان سوید و ژمارەیەک وڵاتی ڕۆژهەڵاتی ناوەڕاست و موسڵمانان. خۆپیشاندەرانی عێراق لە مانگی تەمموزی ساڵی ڕابردوودا دووجار هەڵیانکوتایە سەر باڵیۆزخانەی سوید لە بەغدا و ئاگریان لە یەکێک لەو باڵیۆزخانەیە بەردا.