تیروپشک بۆ ناوی حاجییانی ساڵی 2025 دەکرێت

ئاڤا نیوز

 

سبەی چوارشەممە لە ڕێوڕەسمێکدا تیروپشک بۆ ناوی حاجییانی ساڵی 2025  دەکرێت.

لێدوانی فەرمی: نەبەز ئیسماعیل، گوتەبێژی وەزارەتی ئەوقاف و کاروباری ئایینی بە ئاڤا نیوزی ڕاگەیاند: سبەی چوارشەممە کاتژمێر 10:00ـی بەیانی تیروپشک بۆ ناوی حاجییانی حەجی ساڵی 2025 دەکرێت کە لە ساڵی 2017 و 2023 ناوی خۆیان نوسیبوو.

 

زانیاریی زیاتر: پشتیوان سادق، وەزیری ئەوقاف و کاروباری ئایینی هەرێمی کوردستان، لە 25ـی مانگی ڕابردوو، فەرمانێکی دەرکرد ئاماژەی بەوە کردبوو، ئەمساڵ هیچ ناوێکی نوێ بۆ چوونە حەج نانووسرێت.

 
ژمارەکان وادەڵێن: لە ساڵی 2023  تیروپشک بۆ ئەو کەسانە کرا کە فۆرمی حەجیان پڕکردبووەوە، لەوانەش 65 هەزار و 195 کەس لە ساڵی 2017 و 56 هەزار و 669 کەسیش لە ساڵی 2023 کە داوایان بۆ چوونە حەج پێشکەش کردبوو، لە تیروپشکەکەدا ناوی 4174 کەس بۆ حەجی ساڵی 2024 دەرچوو.