بایدن: کاتی ئاگربەست و کۆتاییهاتنی جەنگی غەززەیە

ئاڤا نیوز

 

ئەمڕۆ جۆ بایدن، لە کۆتا گوتاریدا وەک سەرۆکی ئەمریکا لە کۆبوونەوەی نەتەوە یەکگرتووەکان، گوتارێکی پێشکەش کرد و باسی لە کۆتاییهێنانی جەنگ و ئاگربەستی غەززە کرد. 

 

ڕاگەیێندراوی فەرمی: جۆ بایدن، سەرۆکی ئەمریکا لە گوتارەکەیدا لە کۆبوونەوەی نەتەوە یەکگرتووکان ڕایگەیاند: "ئێستا کاتی ئەوەیە لایەنەکان بگەنە ئاگربەست و بارمتەکان بگەڕێنەوە ماڵەوە، ئاسایش بۆ خەڵکی غەززە و ئیسرائیل دابین بکرێت و کۆتایی بەو جەنگە بێت". 

 

لەلایەکی دیکەوە: بەشێکی دیکەی گوتارەکەی بایدن باسکردن بوو لە شەڕی نێوان ئۆکراینا و ڕووسیا، بایدن ئاماژەی بەوەدا، پووتین تووشی شکست بووە، ئەو بەنیازی ڕووخاندنی یەکجارەکی ئۆکراینا بوو، بەڵام ئێستا ئۆکراینا ئازادە.

 

قووڵتر: سەبارەت بە هەڵبژاردنی سەرۆکایەتیی ئەمریکا، بایدن لەبەردەم سەرۆکی دەیان وڵاتی جیهان گوتی "هەندێک بابەت لە هێز و مانەوە لە دەسەڵات گرنگترن". 

 

ئەمەش بزانە: ئەمڕۆ  جۆ بایدن دوایین گوتاری وەک 46ـین سەرۆکی ئەمریکا لە کۆبوونەوەی نەتەوە یەکگرتووەکان پێشکەش کرد.