فەتانەی وەلیدی کۆچی دواییکرد

ئاڤا نیوز

 

هونه‌رمه‌ندی کورد فه‌تانەی وه‌لیدی، دوای مانەوەی بۆماوەی حەوت ڕۆژ لە یەکێک لە نەخۆشخانەکانی شاری سنە لە رۆژهەڵاتی کوردستان، له ته‌مه‌نی71ساڵیدا کۆچی دواییکرد.

 

چیرۆکی سەرەکی: فەتانەی وەلیدی، یەکەمین ژنانی گۆرانیبێژی کوردی ڕۆژهەڵاتی کوردستانە، ئەم خانمە هونەرمەندە لە ساڵی 1953 لە شاری سنەی رۆژهەڵاتی كوردستان لە خێزانێکی هونەردۆست لە دایکبووە، لە ساڵانی حەفتاکان وانەی میوزیکی خوێندووە.

 

زانیاریی زیاتر: فەتانە لە تەمەنێکی کەمدا یەکەم گۆرانی خۆی لە  ڕادیۆی سنە تۆمار كرد و هەر زوو سەرنجی ژەنیاران و میوزیسیانە بەناوبانگەكانی ناوچەکەی بەلای خۆیدا ڕاکێشا.

 

ئەمەش بزانە: خانمە هونەرمەندە کوردەکەی ڕۆژهەڵاتی کوردستان نزیکەی 56 گۆرانی لە رادیۆكانی سنە و كرماشان تۆمار كرد، لەگەڵ ئەوەشدا تەنیا یەك ئەلبوومی بەردەستە.