کونسوڵخانەی ئەمریکا ژمارەیەک مامۆستای ئایینی دەباتە ئەمریکا

ئاڤا نیوز

 

کونسوڵخانەی ئەمریکا بۆ بەشداریکردن لە پرۆگرامی ئاڵوگۆڕی کولتووری، ژمارەیەک مامۆستای ئایینی و وتارخوێنی هەرێمی کوردستان دەباتە وڵاتەکەی، بۆ ئاشنابوونی زیاتر بە لێبووردەی ئایینی و ڕۆڵی سەرکردە ئاینییەکان.

 

وێنە گەورەکە: ئەمڕۆ سێشەممە 24-9-2024، کونسوڵخانەی ئەمریکا لە هەولێر لەگەڵ کۆمەڵێک مامۆستای ئایینی و وتارخوێنی هەرێمی کوردستان کۆبووەوە.

 

ڕاگەیێنراوی فەرمی: کونسوڵخانەی ئەمریکا لە هەرێمی کوردستان بڵاویکردەوە: کۆبوونەوە لەگەڵ گرووپێک پێشنوێژ و وتارخوێنی ئایینی کرا، بە مەبەستی بەشداریکردن لە پرۆگرامێکی ئاڵوگۆڕی کولتووری گەشت بۆ ویلایەتە یەکگرتووەکانی ئەمریکا دەکەن.

 

زانیاریی زیاتر: مامۆستایانی ئایینی بۆ ئاشنابوونی زیاتر بە لێبووردەیی ئایینی و ڕۆڵی سەرکردە ئایینییەکان لە ڕووبەڕووبوونەوەی توندڕەویدا، لەمیانی سەردانەکەیاندا بۆ ئەمریکا سەردانی نووسینگەکانی حکومەت و ڕێکخراوە ناحکومییەکان و دەزگا ئایینییەکان دەکەن.

 

ئەمەش بزانە: ئەو شاندەی سەردانی ئەمریکا دەکات، بۆ دروستکردنی تۆڕی پەیوەندی سەردانی جڤاتی ئایینە جیاوازەکانیش دەکەن.