لە هەرێمی کوردستان کارگەی دروستکراوەکانی مریشک دروست دەکرێت

ئاڤا نیوز

بۆ یەکەمجار لە هەرێمی کوردستان کارگەی دروستکراوەکانی مریشک دروست دەکرێت، کە لە ڕووی ئابووری و داراییەوە سودێکی زۆری دەبێت و هەرێمی کوردستانیش ناچار نابێت، ساڵانە دەیان هەزار تۆن لە دروستکراوەکانی مریشک لە وڵاتانی دەرەوە هاوردە بکات.

 

لێدوانی فەرمی: فیراس سدیق، بەڕێوەبەری گشتیی سامانی ئاژەڵی هەرێمی کوردستان بە ئاڤا نیوزی گوت: دوو کارگەی دروستکراوەکانی مریشک دروست دەکرێن، ئێستا 85%ـی کارەکانیان تەواو بووە، بەم نزیکانە بەرهەمەکانیان دەخرێنە بازاڕەوە.

 

زانیاریی زیاتر: دروستکراوەکانی مریشک پێکهاتوون لە کنتاکی، سکالوب، سۆسەج، سۆسی مریشک چەندین شتی دیکە.

 

ئەوەی پێویستە بیزانیت: هەموو بازنەکانی بەرهەمهێنانی مریشک لە هەرێمی کوردستان هەیە، کە بریتین لە: کێڵگەی هەڵهێنەر، پەلەوەرخانە، سەربڕخانە و ئالیک.

 

خاڵە ئەرێنییەکان: بە دروستکردنی کارگەکان، خاوەن کێڵگە پەلەوەرییەکان سوودمەند دەبن،  چیتر هەرێمی کوردستان ناچار نابێت ئەو پێکهاتانە لە دەرەوە هاوردە بکات.

 

ئەمەش بزانە: ئەو دوو کارگەیە لە هەولێر و لەلایەن کەرتی تایبەتەوە دروست دەکرێن و تێچووەکەیان بەنزیکەیی پێنج ملیۆن دۆلار دەبێت و لەلایەن وەزارەتەکانی کشتوكاڵ و تەندروستییەوە چاودێری کارەکانیان دەکرێت.