لە حەوت مانگدا 342 پیاو سکاڵا لەسەر ژنەکانیان تۆمار دەکەن

ئاڤا نیوز

 

تووندوتیژی دژی پیاوان لە زیادبووندایە و یەکێتیی پیاوانی کوردستان بەشێک لە هۆکارەکان بۆ کاریگەریی تۆڕە کۆمەڵایەتییەکان و ئامێرەکانی پەیوەندیکردن دەگەڕێنێتەوە.

 

لێدوانی فەرمی: بورهان عەلی، سکرتێری یەکێتیی پیاوانی کوردستان بە ئاڤا نیوزی ڕاگەیاند: تۆمارکردنی تووندوتیژی دژی پیاوان لە زیادبووندایە و کەیسەکان جۆراوجۆرن، وەک دەرکردن لە ماڵ، زەوتکردنی منداڵ، دەستبەسەرداگرتنی مووچە، دەستوەردانی خێزانی، کوشتن، خۆکوشتن، خیانەتی هاوسەرگیری.

 

ژمارەکان وا دەڵێن: لە 01-01-2024 تاوەکو 01-07-2024، لە زاخۆ تاوەکو خانەقین 342 سکاڵا تۆمارکراون، 31 ڕووداوی خۆکوشتن و 8 ڕووداوی کوشتنی تێدایە.

 

هۆکارە زانراوەکان: ئامێرەکانی پەیوەندیکردن و سۆشیال میدیا  پاڵنەری تووندوتیژییەکانن دژی پیاوان.

 

ئەوەی پێویستە بیزانیت: لە ساڵی 2023 حاڵەتەکانی تووندوتیژی دژی پیاوان 619 ڕووداوی جۆراوجۆر بووە، بەراورد بە ساڵانی ڕابردوو تووندوتیژی دژی پیاوان زیادی کردووە، لە دوو مانگی ڕابردووشدا دەیان ڕووداوی دیکە تۆمارکراون.