داوای زیادکردنی بودجە بۆ تەواوکردنی ڕێگای هەولێر - خەبات دەکرێت

ئاڤا نیوز

 

ڕێگای هەولێر - خەبات دوو مانگە دەست بە نۆژەنکردنەوە و دروستکردنەوەی یەكێك لە سایدەکانی کراوە، بۆ تەواوکردنی کارەکانی، پارێزگای هەولێر نووسراوی بۆ ئەنجوومەنی وەزیران بەرزکردووەتەوە تاوەکو بودجەی دیکەی بۆ زیاد بکەن.

 

وێنە گەورەکە: جووتسایدی هەولێر- خەبات، ڕێگایەکی سەرەکی نێوان هەولێر و مووسڵە و هاوتووچۆیەکی زۆری بازرگانی لەسەرە، ڕۆژانە ڕووداوی هاتووچۆ بەهۆی خراپی ڕێگاکەوە ڕوویدەدا.

 

لێدوانی فەرمی: مەسعود کاڕەش، جێگری پارێزگاری هەولێر، بە ئاڤا نیوزی ڕاگەیاند: دوو مانگە دەست بە دروستکردن و نۆژەنکردنەوە سایدی هەولێر - خەبات کراوە، کارەکانی لە ئایندەیەکی نزیکدا تەواو دەبن، دوای ئەوەش لە سایدی دووەم کارکردن دەستپێدەکات، ئەوەش دوو مانگی پێویستە.

 

زانیاریی زیاتر: دوو ملیار دینار بۆ تەواوکردنی شەقامەکە تەرخان کرابوو، بەڵام پارێزگای هەولێر نووسراوی بۆ ئەنجوومەنی وەزیران بەرزکردووەتەوە، تاوەکو بودجەی دیکەیان بۆ تەرخان بکەن.