بەردی بنا‌غەی دوو پرۆژە لە هیران و هەریر دادەنرێت

ئاڤا نیوز

 

بەردی بناغەی دوو شەقامی سەرەکی لە هەریر و هیران دادەنرێن، دوای ئەوەش ڕاستەوخۆ بەڵێندەر دەست بە جێبەجێکردنی پرۆژەکان دەکات.

 

وێنە گەورەکە: لە چوارچێوەی خزمەتگوزارییە بەردەوامەکانی کابینەی نۆیەمی حکومەتی هەرێمی کوردستان لە سەرجەم شار و شارۆچکەکاندا، بڕیارە ڕۆژی 26-9-2024، بەردی بناغەی دوو شەقامی سەرەکی لە قەزای هەریر و ناحیەی هیران دابنرێت.

 

لێدوانی فەرمی: مەسعود کاڕەش، جێگری پارێزگاری هەولێر بە ئاڤا نیوزی ڕاگەیاند: سبەی پێنجشەممە لەلایەن ئومێد خۆشناو پارێزگاری هەولێر، بەردی بناغەی شەقامێکی سەرەکی لە هیران و شەقامی فرانسۆ هەریری لە هەریر دادەنرێت. 

 

زانیاریی زیاتر: تێچووی پرۆژەکان 900 ملیۆن دینارە، دوای دانانی بەردی بناغەکەی، بەڵێندەرەکان دەست بە جێبەجێکردنی پرۆژەکان دەکەن.