عێراق: ئامادەین پێشوازی لە ئاوارە لوبنانییەکان بکەین

ئاڤا نیوز

 

وەزارەتی کۆچ و کۆچبەرانی عێراق ڕایدەگەیێنێت، ئامادەن پێشوازیی لە ئاوارەکانی لوبنان بکەن و سەرۆکوەزیرانی لوبنانیش ستایشی هەوڵەکانی بەغدا دەکات.

 

وێنە گەورەکە: ماوەی هەفتەیەکە سوپای ئیسرائیل دەستی بەهێرشێکی چڕ بۆسەر حیزبوڵڵای لوبنان کردووە، تاوەکو ئێستا بەهەزاران هاووڵاتی کوژراون و هەزاران کەسی دیکەش بریندار بوون.

 

ڕاگه‌یێنراوی فه‌رمی: وەزارەتی کۆچ و کۆچبەرانی عێراق لە بەیاننامەیەکدا ڕایگەیاند: لە ئەگەری ئاوارەبوونی هاووڵاتیانی لوبنان بەرەو عێراق، هەموو ڕێکارێکیان بۆ پێشکەشکردنی هاوکاری مرۆیی، فریاگوزاری و ئامادەکردنی زەمینەی گونجاو بۆیان، گرتووەتەبەر.

 

له‌لایه‌كی دیكه‌وه: لەمیانی کۆبوونەوەکانی کۆمەڵەی گشتی نەتەوە یەکگرتووەکان، نەجیب میقاتی، سەرۆکوەزیرانی لوبنان ڕۆڵی عێراقی بەرز نرخاند کە وەک یەکەم وڵات هاوکاری مرۆیی بەپەلەی گەیاندە وڵاتەکەی.