بەربژێرانی پارتی کێن؟

ئاڤا نیوز

 

ئەمڕۆ چوارشەممە لیستی 190ی پارتی دیموکراتی کوردستان بە دروشمی "ئارامی و ئاوەدانی، پێکەوەیی و خۆڕاگری"، بەسەرپەرشتی سەرۆک بارزانی بەفەرمی دەستی بە بانگەشەی هەڵبژاردن کرد و سەرجەم بەربژێرەکانی ناساند.

 

وێنە گەورەکە: پارتی بە لیستی ژمارە 190 بەشداریی لە هەڵبژاردنی خولی شەشەمی پەرلەمانی کوردستان دەکات و 190 بەربژێریشی لە هەرچوار بازنەی هەڵبژاردن هەیە: هەولێر 64، سلێمانی 72، دهۆک 48 و هەڵەبجە 6 بەربژێر.

 

ئەوەی پێویستە بیزانیت: پارتی دیموکراتی کوردستان، بۆ هەڵبژاردنی پەرلەمانی کوردستان لەسەر بنەمای خزمەت و پسپۆڕی و بڕوانامە، بەربژێرانی خۆی لە چوار بازنەی هەڵبژاردن دیاریکردووە بەم شێوازە: 

 

هەولێر: پارتی لە بازنەی هەولێر 64 بەربژێی هەیە و د. ڤالا فەرید سەرۆکی لیستە، جگە لە سەرۆکی لیست، پارتی 19 بەربژێری دیکەی پارتی لە هەولێر ئافرەتن.

دهۆک: لە بازنەی دهۆک پارتی 48 بەربژێری هەیە، د. ئیبراهیم شەرەفانی سەرۆکی لیستە، هەروەها پێشەنگترین بەربژێری ئافرەت ژمارە هەشتی پێدراوە، بە کۆی گشتی پارتی 14 بەربژێری ئافرەتی لەم پارێزگایە هەیە.

سلێمانی: پارتی لە سنووری سلێمانی 72 بەربژێری هەیە و م. هۆشیار سدیق ئەفەندی سەرۆکی لیستە لەو ژمارەیەش 22 یان ئافرەتن، لەڕووی ڕیزبەندییەوە پێشەنگترین ئافرەت ژمارە سێیە.

هەڵەبجە: پارتی لە هەڵەبجە شەش بەربژێری هەیە و هۆشیار حوسێن عوسمان سەرۆکی لیستە و هەروەها دوو بەربژێریان ئافرەتن.