پووتین سیاسەتی نوێ بۆ بەکارهێنانی چەکی ئەتۆمی دادەڕێژێت

ئاڤا نیوز

 

ڤیلادیمێر پووتین، سەرۆکی ڕووسیا لە کۆبوونەوەی ئەنجوومەنی ئاسایشی وڵاتەکەی کۆمەڵێک سیاسەتی نوێ بۆ بەکارهێنانی چەکی ئەتۆمی ڕادەگەیێنێت. 

 

وێنە گەورەکە: ڕووسیا هەوڵی ئەوە دەدات بە سیاسەتی نوێ بتوانێت توانای سەربازیی خۆی بەرز بکاتەوە و ڕێگری لە هەژموونی لە هاوپەیمانی نێودەوڵەتیی دژ بە وڵاتەکەی بگرێت. 

 

ڕاگەیێنراوی فەرمی: ڤیلادیمێر پووتین، سەرۆکی ڕووسیا لە کۆبوونەوەی ئەنجوومەنی ئاسایشی وڵاتەکەی ڕاگەیاند: "لە پێداچوونەوەی بەڵگەنامەکاندا، پێشنیازی ئەوە کراوە هەر توندوتیژییەک بۆسەر ڕووسیا لەلایەن وڵاتێکی نائەتۆمی بە بەشداریی یان پشتگیریی وڵاتێکی خاوەن چەکی ئەتۆمی بە هێرشی هاوبەشی هەردوو وڵات بۆ سەر ڕووسیا هەژمار دەکرێت". 

 

زانیاریی زیاتر: گۆڕینی سیاسەتی بەکارهێنانی چەکی ئەتۆمیی ڕووسیا لە دوای هۆشداریی پووتین بۆ ئەمریکا و وڵاتانی ئەندامی ناتۆ دێت کە لە جەنگدا پشتگیریی دارایی و سەربازیی ئۆکراینا دەکەن.