ئەمریکا 8.7 ملیار دۆلار هاوکاریی سەربازیی پێشکەشی ئیسرائیل دەکات

ئاڤا نیوز

 

ئەمریکا پاکێجێکی هاوکاریی سەربازیی بە بەهای 8.7 ملیار دۆلار پێشکەشی ئیسرائیل دەکات.

 

وێنە گەورەکە: ماوەی نزیکەی ساڵێکە ئیسرائیل هێرشی سەر کەرتی غەززەی دەستپێکردووە و هاوکات لە چەند ڕۆژی ڕابردووشدا هێرشەکانی بۆ سەر باشووری لوبنان چڕترکردوونەتەوە. لەناو ئەو کێشمە کشێمەی ڕۆژهەڵاتی ناوەڕاست، ئەمریکا بەردەوام هاوکاری دارایی و سەربازی پێشکەش بە هاوپەیمانەکەی کە ئیسرائیلە دەکات.

 

ڕاگەیێنراوی فەرمی: وەزارەتی بەرگریی ئیسرائیل ڕایگەیاند پاکێجی یارمەتییەکانی ئەمریکا بۆ پشتیوانیکردنی ئیسرائیلە لە درێژەدان بە هەوڵە سەربازییەکانی و ئاماژەی بەوەش کردووە کە "پاکێجەکە 3.5 ملیار بۆ پێداویستیی بنەڕەتیی شەڕ و 5.2 ملیار دۆلاریش بۆ سیستەمی بەرگریی ئاسمانی لەخۆدەگرێت.

 

ئەوەی پێویستە بیزانیت: ئیسرائیل پێشنیازی کۆمەڵگای نێودەوڵەتی بۆ ئاگربەستی 21 ڕۆژە لەگەڵ حیزبوڵڵای لوبنان ڕەتکردووەتەوە و ڕایگەیاندووە درێژە بە شەڕەکە دەدات.