عێراق و ئێران داوای ئاگربەستی لوبنان دەکەن

ئاڤا نیوز

 

هەردوو وەزیرانی دەرەوەی عێراق و ئێران جەخت لە پێویستی ئاگربەستی خێرا لە لوبنان دەکەنەوە.

 

چیڕۆکی سەرەکی: لە پەراوێزی کۆبوونەوەکانی کۆمەڵەی گشتی نەتەوە یەکگرتووەکان لە نیویۆرک، فواد حوسێن، وەزیری دەرەوەی عێراق لەگەڵ هاوتا ئێرانیەکەی عەباس عێراقچی، کۆبووەوە.

 

ڕاگه‌یێنراوی فه‌رمی: وەزارەتی دەرەوەی عێراق ڕایگەیاند: فواد حوسێن، وەزیری دەرەوەی عێراق و هاوتا ئێرانییەکەی، عەباس عێراقچی جەختیان لە هەماهەنگى نێوان وڵاتانی ئیسلامی کرد بە مەبەستی دۆزینەوەی ڕێگا چارەیەک بۆ گەیشتن بە ئاگربەستی خێرا لە لوبنان.

 

زانیاریی زیاتر: هەردوو وەزیرانی دەرەوەی عێراق و ئێران داوا لە  ئەنجوومەنی ئاسایشی نەتەوە یەکگرتووەکان دەکەن ئەرکەکانی خۆی لەم بوارەدا جێبەجێ بکات.

 

باکگراوند:  ماوەی هەفتەیەکە سوپای ئیسرائیل دەستی بە هێرشێکی چڕ بۆسەر حیزبوڵڵای لوبنان کردووە، تاوەکو ئێستا زیاد لە 650 هاووڵاتی کوژراون  و سەروو  دوو هەزاریش بریندار بوون، دەیان هەزاری دیکەش ئاوارەی سووریا و وڵاتانی دیکە بوون.