حیزبوڵڵا ئیسرائیل مووشەکباران دەکات

ئاڤا نیوز

 

 ئەمڕۆ ژمارەیەک مووشەک لە لوبنانەوە ئاراستەی شاری حەیفا لە باکووری ئیسرائیل کران. بەشێک لەو مووشەکانە خرانە خوارەوە و ژماریەکیشیان لە چەند شوێنێکی چۆڵ کەوتنە خوارەوە و بە هۆیانەوە ئاگر کەوتەوە.

 

ئەوەی لەو بارەیەوە دەگوترێت: بە گوێرەی چەند گرتەیەکی ڤیدیۆیی، سیستمی بەرگریی ئاسمانیی ئیسرائیل توانیویەتی بەشێكی مووشەکەکان بخاتە خوارەوە. 

 

زانیاریی زیاتر: ئەم هێرشە نوێیەی حیزبوڵڵای لوبنان بۆ سەر ئیسرائیل لە کاتێکدایە ئیسرائیل پێشنیازێکی نێودەوڵەتی بۆ ئاگربەستی 21 ڕۆژە ڕەتکردووەتەوە و ڕایگەیاندووە، تا "سەرکەوتن" لە شەڕی دژ بە حیزبوڵڵا بەردەوام دەبێت. 

 

لەلایەکی دیکەوە: ئەمریکا هۆشداریی لە فراوانبوونی گرژییەکان دەدات و  وەک هەمیشە واشنتن ڕایگەیاندووە لە شەڕی نێوان حیزبوڵڵا و ئیسرائیل پشتیوانی تەلئەڤیڤ دەکات.