چیا نەوشیروان مستەفا بەربەستی کۆنکرێتی لەبەردەم گردی زەرگەتە دادەنێت

ئاڤا نیوز

 

چیا نەوشیروان مستەفا بەربەستی کۆنکرێتی لەبەردەم دەرگای سەرەکی گردی زەرگەتە لە سلێمانی کە بارەگای سەرەکی بزووتنەوەی گۆڕانی تێدایە، دادەنێت.

 

وێنە گەروەکە: بڕیار بوو ڕۆژی شەممە 28-9-2024 مەڕاسیمی تایبەت بۆ ماڵئاوایی لە عومەر سەید عەلی وەک ڕێکخەری گشتیی بزووتنەوەی گۆڕان ڕێکبخرێت و دواتر دانا ئەحمەد مەجید،  وەک ڕێکخەری نوێی گشتیی گۆڕان دەستبەکار بێت، بەڵام کوڕانی نەوشیروان مستەفا ناڕازین و لە ڕێگەی دانانی بەربەستی کۆنکرێتییەوە ڕێگەیان نەدا هیچ مەڕاسیمێک لە گردی زەرگەتە بکرێت.

زانیاری بەدەستهاتوو:  چیا نەوشیروان مستەفا هێزی بۆ گردی زەرگەتە جوڵاندووە و دەرگای سەرەکی گردەکەی داخستووە، لەئێستادا هێزێکی زۆر لە نزیک گردەکە بڵاوەی پێکراوە و هیچ کەس و لایەنێک ناتوانێت لە شوێنەکە نزیک بێتەوە.

لەلایەکی دیکەوە: دوای ڕووداوەکە کوڕانی نەوشیروان مستەفا ڕوونکردنەوەیەکیان بڵاوکردەوە و ڕایانگەیاند، ئەوان پشتیووانی تەواو لە دەستووری ناوخۆی و جڤاتەکان دەکەن، بۆیە لەسەر داوای زۆرینەی ئەندامانی هەڵبژێردراوی جڤاتی نیشتیمانی وەک بەرزترین دامەزراوەی بڕیاردان لە بزووتنەوەی گۆڕاندا و بۆ بەرگرتن لە دروستبوونی هەر گرژیەک لەنزیک ئارامگای باوکمانەوە، پێمانباشە بۆ ماوەیەکی دیاریکراو گردی زەرگەتە دەوامی تێدا نەبێت هەتا باردودۆخەکە هێور ئەبێتەوە.