پۆندێکی دیکە لە سنووری هەولێر دورست دەكرێت

ئاڤا نیوز 

 

لە سنووری قەزای پیرمام لە پارێزگای هەولێر پۆندی خانزاد دروست دەكرێت، كابینەی نۆیەمی حكومەتی هەرێمی كوردستان بەردەوامە لە زیادكردنی ژمارەی بەنداو و پۆندەكان لە سەرجەم شار و شارۆچكەكان، لە پێنج ساڵی ڕابردوودا هەشت پۆند دروستكراون و 43 پۆندی دیكەش لەژێر جێبەجێكردندان.

 

لێدوانی فەرمی: كاروان سەباح هەورامی، بەڕێوەبەری گشتیی سەرچاوەكانی ئاو لە وەزارەتی كشتوكاڵ ڕایگەیاند: پۆندی خانزاد دەكەوێتە سنووری قەزای پیرمام و لەلایەن كۆمپانیایەكی كوردستانییەوە جێبەجێ دەكرێت و گوژمەی پڕۆژەكە 676 ملیۆن دینارە.

 

زانیاریی زیاتر: پڕۆژەكە بۆ كەمكردنەوەی مەترسیی لافاو و زیادكردنی ئاوی ژێرزەویی و ئاودێری و ئاژەڵداری گرنگیی زۆری هەیە بەمزووانە دەست بە دروستكردنی دەكرێت.