شاکیرا دوای حەوت ساڵ ئەلبوومێک بڵاودەکاتەوە

ئاڤا نیوز

 

خانمە هونەرمەند شاکیرا، دوای حەوت ساڵ ئەلبوومێکی نوێ بە ناوی "ژنان چیتر ناگرین" لە 22ـی مانگی داهاتوو بڵاودەکاتەوە. 

 

چیرۆکی سەرەکی: کۆتا ئەلبوومی شاکیرا  بەناوی “ئێل دۆرادۆ” بوو لە ساڵی 2017 بڵاوی کردەوە. بڕیارە مانگی داهاتوو ئەلبوومێکی نوێ بڵاوبکاتەوە؛ ئەلبوومەکە لە هەشت گۆرانی نوێ و 16 تراک پێکهاتووە. 

 

بڵاوکراوەی فەرمی: شاکیرا لە پلاتفۆرمی ئینستاگرام لەبارەی ئەلبوومە نوێیەکەوە نووسیویەتی: "لە کاتی نووسینی هەر گۆرانییەکدا، خەریکی بنیاتنانەوەی خۆم بووم، دروستکردنی ئەم بەرهەمە وەک پرۆسەیەک بوو، لە کاتی گوتنەوەیاندا فرمێسکەکانم گۆڕان بۆ ئەڵماس، لاوازیشم گۆڕا بۆ هێز".