سه‌رۆكایه‌تیی هه‌رێمی کوردستان هۆشداری دەدات: ناوچەکە لەژێر مەترسیی جددیدایە

ئاڤا نیوز

 

سه‌رۆكایه‌تیی هه‌رێمی کوردستان به‌ نيگه‌رانييه‌كى زۆره‌وه‌ له‌ پێشهاته‌ سەربازییەكانى ڕۆژهه‌ڵاتى ناوه‌ڕاست دەڕوانێت. هۆشداریش دەدات لەوەی ناوچەکە لەژێر مەترسیی جددیدایە.

 

چیرۆکی سەرەکی: سەرۆکایەتیی هەرێمی کوردستان لە ڕاگەیێنراوێکدا هەڵوێستی لەبارەی شەڕی ئیسرائیل و حیزبوڵڵای لوبنان ڕادەگەیێنێت و "نيگه‌رانيى زۆر" له‌ پێشهاته‌ سه‌ربازييه‌كانى ڕۆژهه‌ڵاتى ناوه‌ڕاست و به‌ئامانجگرتنى حه‌سه‌ن نه‌سروڵڵا، ئه‌ميندارى گشتيى حيزبوڵڵاى لوبنان دەردەبڕێت.

 

ڕاگەیێنراوی فەرمی: سەرۆکایەتیی هەرێمی کوردستان پرسه‌ و سه‌ره‌خۆشى له‌ خێزان و كه‌سوكارى کوژراوان دەکات و بە "شه‌هيد" ناویان دەبات.

باکگراوند: لە 17ی ئەم مانگەوە ئیسرائیل دەستی بە هێرشێکی چڕ بۆ سەر لوبنان کردووە، تاوەکو ئێستا سەدان چەکداری حیزبوڵڵا کوژراون و هەزارانیش بریندارن. دوو ڕۆژ پێش ئێستا حەسەن نەسروڵڵا، ئەمیندار حیزبوڵڵا و کۆمەڵێک سەرکردەی باڵای حیزبەکە کوژران.

 

مەترسییە پێشبینیکراوەکان: سەرۆکایەتیی هەرێمی کوردستان ئەم پێشهاتانه‌ بە مەترسییەکی جددی لەسەر ئاسایش و سەقامگیريی ناوچەکە دەزانێت. هۆشداریش دەدات بەردەواميى ئه‌م دۆخه‌ تەنیا کارەسات و ماڵوێرانيی زیاتری بۆ هه‌موو لايه‌ك به‌بێ جياوازى لێ دەکەوێتەوە. داواش لە هەمووان دەكات به‌ دانايى و دانبه‌خۆداگرتن، ڕێگه‌ له‌ تێکچوونی دۆخەکە بگرن و سەقامگیريی ناوچەکە بپارێزن.