سێرگی لاڤرۆڤ: کوشتنی حەسەن نەسروڵڵا تیرۆری سیاسییە

ئاڤا نیوز

 

ڕووسیا هەڵوێست لەسەر كوشتنی حەسەن نەسروڵڵا ڕادەگەیێنێت و  وەزیری دەرەوەی ئەو وڵاتەش دەڵێت، ئەوەی ڕوویدا تیرۆرێكی دیكەی سیاسی بوو.

 

وێنە گەورەكە: کاردانانەوەکانی کوژرانی حەسەن نەسروڵڵا لەلایەن ئیسرائیلەوە تادێت زیاتر دەبن, لەوچوارچێوەیەشدا  ڕووسیا هاتە دەنگ و ڕەخنە  لە کوشتنی ئەمیندارەکەی حیزبوڵڵا دەگرێت و پێیوایە ئەوەی ڕوویداوە تیرۆرێکی سیاسی بووە.

 

لێدوانی فەرمی: سێرگی لاڤرۆڤ، وەزیری دەرەوەی ڕووسیا ڕایگەیاند: "ئەوەی دوێنێ لە بەیروت ڕوویدا تیرۆرێكی سیاسی دیكەیە، سەرۆكی ئەمریكا دەڵێت، كارێكی دروستە، ئەمەش مانای ئەوەیە کە ئەوان [ئەمریکا] هەڵوێستێکی کەمێک جیاوازی هەیە لەسەر چۆنیەتی مامەڵەکردن لە ململانێکان لە ناوچەکە."

 

ئەمەش بزانە: "ڕوونە کە ئیسرائیل دەیەوێت بیانوویەک بۆ ئەمریکا دروست بکات کە ڕاستەوخۆ لەگەڵ ئێران بچێتە شەڕەوە"، لاڤرۆڤ وای گوت.