فڕۆکە جەنگییەکان ژمارەیەک چەکدار لە نزیک سنووری عێراق بۆردومان دەکەن

ئاڤا نیوز

 

بەهۆی هێرشێکی ئاسمانی لە ناوچەی ئەلبوکەمالی سووریا نزیک لە سنووری عێراق، ژمارەیەک چەکدار کوژران و برینداربوون، بەپێی هەواڵەکانی ڕوانگەی سووری بۆ مافەکانی مرۆڤ، لە نێو کوژراوەکاندا سەرکردەی "میلشیای ئێرانی" تێدایە.

 

زانیاریی بەدەستهاتوو: بەپێی هەواڵەکانی ڕوانگەی سووری بۆ مافەکانی مرۆڤ، لە هێرشێکی ئاسمانیدا بۆ سەر پێگەی "میلشیا ئێرانییەکان لە پارێزگای دێرەزوور و دەوروبەری ناوچەی ئەلبوکەمال لە نزیک سنووری عێراق 17 میلشیای ئێرانی کوژران و 20 دیکەش بریندار بوون".

 

زانیاریی زیاتر: هەر بەپێی زانیارییەکانی ڕوانگەی سووری، فڕۆکە جەنگییەکان "نەناسراو" بوونە و ئاماژە بۆ ئەوەش دەکات، "کوژراوەکان شەشیان سوورین، هەشتیان عێراقین و دوو چەکدارەکەی دیکەش غەیرە سوورین".

 

لەلایەکی دیکەوە: ڕوانگەی سووری ئاماژە بۆ ئەوەش دەکات "دەنگی دوو تەقینەوەی  بەهێز لە هەردوو ناوچەی قۆرییە و عەشارە لە پارێزگای دێرەزوور بیستراوە، هاوکات دەنگی فڕۆکەی جەنگی بەسەر ئاسمانی ناوچەکە دەبیسترێت".