ڕێکارەکانی بەگرێبەستکردنی مامۆستایانی وانەبێژ دەستپێدەکات

ئاڤا نیوز

 

ڕێکارەکانی بەگرێبەستکردنی مامۆستایانی وانەبێژ لەسەرجەم پەروەردەکانی پارێزگا و ئیدارە سەربەخۆکان دەستپێدەکات، لەو میانەیەدا نوێنەری گشتیی مامۆستایانی وانەبێژ داواکارییەک ئاڕاستەی ئەو مامۆستایانە دەکات.

 

وێنە گەورەکە: سەرۆکوەزیران مەسرور بارزانی لە ماوەی ڕابردوودا لەگەڵ نوێنەرانی مامۆستایانی وانەبێژان کۆبووەوە، بڕیاریدا مامۆستایان لەسەر داهاتی ناوخۆ بکرێنە گرێبەست، کە ژمارەیان نزیکەی 38 هەزار کەسە.

 

لێدوانی فەرمی: عەلی ڕەئوف، نوێنەری گشتیی مامۆستایانی وانەبێژ لە هەرێمی کوردستان، بە ئاڤا نیوزی ڕاگەیاند: ڕێککارەکانی بەگرێبەستبوونی مامۆستایانی وانەبێژ دەستپێدەکات، پێویستە پرۆسەکە بە خێرایی جێبەجێ بکرێت.

 

زانیاریی زیاتر: مامۆستای وانەبێژ پێویستە چەند پێداویستییەکیان لابێت لەکاتی جێبەجێکردنی مامەڵەکانیان:- بڕوانامە، یان پشتگیری بڕوانامە، وێنەیەکی کارتی نیشتمانی، کارتی زانیاری، هەشت وێنەی کەسی.

 

ئەوەی پێویستە بیزانیت: ژمارەی مامۆستایانی وانەبێژ لە هەرێمی کوردستان نزیکەی 38 هەزار کەسە و  مووچەیان بەگوێرەی بڕوانامەکانیان زیاد دەکرێت، بڕوانامەی دیبلۆم 400 هەزار دینار و بەکالۆریۆس 500 هەزار دینار دەبێت.