باڵیۆزی ڕووسیا ستایشی سەقامگیری و ئارامیی هەرێمی كوردستان دەکات

ئاڤا نیوز

 

سەرۆك بارزانی و باڵیۆزی ڕووسیا لە عێراق گفتوگۆ لەبارەی پەیوەندییەكانی حكومەتی هەرێمی کوردستان و حكومەتی عێراق و هەڵبژاردنی پەرلەمانی كوردستان دەکەن.

 

وێنە گەورەکە: ئەمڕۆ دووشەممە 30-09-2024، باڵیۆزی ڕووسیا لە عێراق بە یاوەری مەكسیم ڕوبین، كونسوڵی گشتیی ڕووسیا لە هەولێر سەردانی سەرۆك بارزانی کرد.

 

ڕاگەیێنراوی فەرمی: بەپێی ڕاگەیێنراوێکی بارەگای بارزانی، لە کۆبوونەوەکەدا ئیلبروس کوتراشیڤ، باڵیۆزی ڕووسیا ستایشی ئەو سەقامگیری و ئارامییەی كرد كە لە هەرێمی كوردستان چەسپاوە و ڕایگەیاند، وڵاتەكەی بە بایەخەوە لە پەیوەندییەكانی لەگەڵ هەرێمی كوردستان دەڕوانێت.

 

زانیاریی زیاتر: باڵیۆزی ڕووسیا لە عێراق سوپاسی حكومەتی هەرێمی كوردستانی كرد بۆ ئامادەكارییەكان بۆ بەستنی كۆنفڕانسی (ڕۆڵی ڕۆژهەڵاتناسە ڕووسەكان لە ناساندنی پرسی كورد و كوردستان) بە هاوبەشیی و هەماهەنگی لەگەڵ ڕووسیا و زانكۆی سۆران و پەیمانگەی ڕۆژهەڵاتناسیی ڕووسیا.

 

گۆشەیەکی دیکە: هەر لە دیدارەکەدا بارودۆخی سیاسیی عێراق و سووریا و دوایین گۆڕانكارییەكان لەسەر ئاستی ناوچەكە و مەترسی و ئاڵنگارییەكانی بەردەم سەقامگیریی ناوچەكە تاوتوێكراون.