ئەمریکا: ئێمە بۆ کوژرانی تیرۆریستێک فرمێسک ناڕێژین

ئاڤا نیوز

 

کوشکی سپی پشتگیری خۆی بۆ ئیسرائیل دووپات دەکاتەوە و هێرشەکانی ئیسرائل بە مافی ڕەوای ئیسرائیل دەزانێت بۆ بەرگری کردن لە خۆی. 

 

وێنە گەورەکە: لە هەفتەی ڕابردوو ئیسرائیل هێرشێکی فراوانی کردە سەر لوبنان و ژمارەیەکی زۆری سەرکردەی ئەم بزووتنەوەیەی کوشت و زیانێکی زۆر بە ژێرخانی ئەم گروپە گەیاند.

 

ڕاگەیێنراوی فەرمی: کارین جین پیێر، گوتەبێژی کۆشکی سپی لە کۆنگرەیەکی ڕۆژنامەوانی دا ڕایگەیاند: "مافی ئیسرائیلە کە بەرامبەر گرووپەکانی سەر بە ئێران بەرگری لە خۆی بکات، ئیسرائیل دراوسێی باشی نییە و هەڵکەوتەیەکی جوگرافیای خراپی هەیە.

 

لەلایەکی دیکەوە: گوتەبێژی کۆشکی سپی ئاماژەی بەئەوە کرد، ئێمە بۆ کوژرانی تیرۆریستێک کە خوێنی ئەمریکییەکانی ڕشتووە، ناگرین و فرمێسک ناڕژێنین، ئێمە هێشتا هیوا دەخوازین کە بتوانین لە ڕێگەی دیپلۆماسی بگەینە ئاگربەستێکی کاتی بۆ دۆزینەوەی چارەسەرێکی هەمیشەیی". 

 

زانیاریی زیاتر: سوپای ئیسرائیل خۆی بۆ هێرشێکی وشکانی زەمینیی سنووردار ئامادە دەکات و  هێزەکانی لوبنان نزیکەی 10 کیلۆمەتر لە سنوورەکانی خۆیان پاشەکەشەیان کردووە. 

باکگراوند: ئێوارەی ڕۆژی هەینی 27-9-2024، ئیسرائیل لە هێرشێکی ئاسمانیدا لە بەیرووتی پایتەختی لوبنان حەسەن نەسروڵڵا و کۆمەڵێک بەرپرسی دیکەی باڵای حیزبوڵڵای لوبنانی کوشت.