قۆناغی یەکەمی سەرژمێری لە هەرێمی کوردستان دەستپێدەکات

ئاڤا نیوز

 

قۆناغی یەکەمی سەرژمێری گشتیی لە پارێزگاکانی هەرێمی کوردستان دەستیپێکرد و زیاتر لە حەوت هەزار کارمەند دابەشی سەر چەند ناوچەیەک دەکرێن و لە ماوەی دوو مانگدا پڕۆسەکە تەواو دەبێت.

 

وێنە گەورەکە: نزیکەی دوو مانگ ماوە بۆ دەستپێکردنی پڕۆسەی سەرژمێری گشتیی لە هەرێمی کوردستان و عێراق ئەمەش یەکەم جارە دوای 27 ساڵ بەڕێوەبچێت، لە قۆناغی یەکەمدا سەرژمێری هەژماردن دەستپێدەکات و سەرجەم بینایە و باڵەخانەکان ژمارەیان بۆ دادەنرێت وەک ئامادەسازییەک بۆ قۆناغی دووەمی پڕۆسەکە.

 

لێدوانی فەرمی: گوهدار محەممەد، بەڕێوەبەری کەرتی تەکنیکی و مەیدانی سەرژمێری لە هەرێمی کوردستان بە ئاڤا نیوزی ڕاگەیاند: "حەوت هەزار و 300 کارمەند بەسەر چوار پارێزگای هەرێمی کوردستان دابەشکراون، جگە لە ژمارەدان لە بینایە حکومی و ئەهلییەکان، ماڵەکان و شوێنە تایبەت و گشتییەکان، ناوی سەرۆکی خێزانەکانیش وەردەگیرێت، لە ماوەی 40 ڕۆژدا پڕۆسەکە تەواو دەبێت."

 

ژمارەکان وادەڵێن: حەوت هەزار و 300 کارمەند بەم شێوەیە بەسەر چوار پارێزگای هەرێمی کوردستان دابەش دەبن.

هەولێر: دوو هەزار و 800 کارمەند.
سلێمانی و هەڵەبجە: سێ هەزار و 200 کارمەند.
دهۆک: هەزار و 300 کارمەند.