هێرشە موشەکیەکەی ئێران نرخی دۆلار بەرامبەر دینار و تمەن بەرزدەکاتەوە

ئاڤا نیوز

 

بەهۆی گرژییەکانی نێوان ئێران و ئیسرائیلەوە نرخی دۆلار بەرامبەر دیناری عێراقی و تمەنی ئێرانی بەرزبووەوە.

لێدوانی فەرمی: کەیفی خۆشناو، گوتەبێژی دۆلارفرۆشانی هەولێر بە ئاڤا نیوزی گوت: بەهۆی هێرشە مووشەکییەکانی ئێران بۆسەر ئیسرائیل نرخی دۆلار لە بەرزبوونەوەدایە، ئەگەر ئیسرائیل وەڵامی ئێران بداتەوە، پێشبینی دەکرێت نرخەکەی زیاتر بەرزبێتەوە.

 

ژمارەکان وادەڵێت: نرخی دۆلار بەرامبەر دیناری عێراقی:

100 دۆلار بە 155 هەزار دینار دەفرۆشرێت
100 دۆلار بە 153 هەزار دینار دەکڕدرێت

نرخی دۆلار بەرامبەر تمەنی ئێرانی: 100 دۆلار بە شەش ملیۆن تمەنی ئێرانی دەفرۆشرێت، بە حەواڵەوە دەکاتە شەش ملیۆن و 200 هەزار تمەن. هاوکات 100 دۆلار بە پێنج ملیۆن و 900 هەزار تمەن دەکڕدرێت.

 

ئەوەی پێویستە بیزانیت: پێشبینی دەکرێت سبەی چوارشەممە سزای نوێ بەسەر ئێراندا بسەپێنرێت، ئەوەش ڕاستەوخۆ کاریگەری لەسەر دابەزینی نرخی تمەن دەبێت، بە گوتەی کەیفی خۆشناو پێشبینی دەکرێت " 100 دۆلار بە حەوت ملیۆن تمەن بفرۆشرێت".