ئەڵمانیا داوا لە هاووڵاتییانی دەکات ئێران جێبهێڵن

ئاڤا نیوز

 

وەزیری دەرەوەی ئەڵمانیا، داوا لە هاووڵاتییانی دەکات دەست بەجێ ئێران جێبهێڵن.

 

وێنە گەورەکە: ئەم هۆشدارییەی ئەڵمانیا لەکاتێکدایە شەوی ڕابردوو ئێران لەڕێگەی مووشەکی دوورمەوداوە هێرشی کردە سەر ئیسرائیل، دوای هێرشەکە سوپای ئیسرائیل و سەرۆکوەزیرانی ئەو وڵاتە هەڕەشەی ئەوەیان کرد وەڵامێکی توندی ئێران دەدەنەوە. ئێستاش مەترسی ئەوە هەیە دۆخی ڕۆژهەڵاتی ناوەڕاست تێکبچێت، ئەمەش وای لە ژمارەیەک وڵات کردووە داوا لە هاووڵاتییانیان بکەن ئەو ناوچانەی مەترسی هەیە ببنە مەیدانی جەنگ، جێیان بهێڵن.

 

ڕاگەیێنراوی فەرمی: ئانالینا بیربوک، وەزیری دەرەوەی ئەڵمانیا ڕایگەیاند، بەهۆی بارودۆخی نادیاری ئێران داوا لە هاووڵاتیانی نیشتەجێی ئێران دەکەین بەزووترین کات خاکی ئەو وڵاتە بەجێبهێڵن.