سەرۆكوەزیران مەسرور بارزانی فەرمانی خەرجكردنی مینحەی زیندانیانی سیاسیی دا

ئاڤا نیوز 

 

بە فەرمانی سەرۆكوەزیران مەسرور بارزانی، مینحەی ئەو زیندانییە سیاسییانە خەرج دەكرێت كە ماوەی دوو ساڵ مینحەیان ڕاگیرابوو.

 

زانیاریی بەدەستهاتوو: بەپێی زانیارییەكانی ئاڤا نیوز، بە فەرمانی سەرۆكوەزیران مەسرور بارزانی، سەرۆكایەتیی دیوانی ئەنجوومەنی وەزیران نووسراوێكی بە واژووی د. ئومێد سەباح، سەرۆكی دیوانی ئەنجوومەنی وەزیران دەركردووە و تیایدا بڕیار دراوە بە خەرجكردنی مینحەی ئەو زیندانییە سیاسییانەی كە ماوەی دوو ساڵ مینحەكانیان ڕاگیرابوو.

 

نووسراوی فەرمی: بەپێی ناوەڕۆكی نووسراوەكە، سەرۆكوەزیران مەسرور بارزانی، لە ڕۆژی  15-10-2020  فەرمانی گەڕانەوەی مینحەی ئەو زیندانییە سیاسییانەی داوە و نووسراوەكەی ئەمڕۆی سەرۆكایەتیی دیوانی ئەنجوومەنی وەزیرانیش بۆ وەزارەتی شەهیدانە بۆ ئەوەی كاری پێویست ئەنجام بدات بە ناردنی داتا و زانیاری و ژمارەی ئەو زیندانییانەی كە لە ماوەی دوو ساڵ مینحەیان ڕاگیرابوو.

 

زانیاریی زیاتر: لە نووسراوەكەدا داوا لە وەزارەتی شەهیدان كراوە كە تێكڕای گوژمەی مینحەی ڕاگیراوی دوو ساڵی زیندانییە سیاسییەكان ڕەوانەی دیوانی سەرۆكایەتیی ئەنجوومەنی وەزیران بكات.