هەڵمەتی ترەمپ لە مانگی نۆ 160 ملیۆن دۆلاری کۆکردەوە

ئاڤا نیوز

 

داهاتی هەڵمەتی دۆناڵد ترەمپ، کاندیدی کۆمارییەکان لەماوەی مانگی نۆدا زیادیکردووە.

 

ڕاگەیێنراوی فەرمی: ڕۆژی 02-10-2024، تیمی هەڵمەتی بانگەشەی دۆناڵد ترەمپ، کاندیدی کۆمارییەکان بۆ سەرۆکایەتیی ئەمریکا ڕایگەیاند: لە ماوەی مانگی ئەیلوولدا توانیویانە 160 ملیۆن دۆلار بەدەستبهێنن.

 

ئەمەش بزانە: داهاتی مانگی هەشتی هەڵمەتی دۆناڵد ترەمپ، 130 ملیۆن دۆلار بوو، واتە لەم مانگەدا 30 ملیۆن دۆلار زیادیکردووە. 

 

لەلایەکی دیکەوە: داهاتی هەڵمەتی کامالا هاریس، کاندیدی دیموکراتەکان لە مانگی هەشت 361 ملیۆن دۆلار بووە، بەڵام تیمی هەڵمەتەکەی هێشتا هیچ ئامارێکی بۆ مانگی نۆ ڕانەگەیاندووە.