ڕووسیا بۆ هاووڵاتییانی: خۆتان لە گەشتکردن بۆ ئێران بەدوور بگرن

ئاڤا نیوز

 

بەهۆی نالەباری دۆخی ڕۆژهەڵاتی ناوەڕاست، زۆرێک لە وڵاتان هانی هاووڵاتییانی خۆیان دەدەن  سەردانی ئەو وڵاتانە نەکەن کە گرژیی و ئاڵۆزیان تێدایە.

 

ڕاگەیێنراوی فەرمی: باڵیۆزخانەی ڕووسیا لە تاران لە بەیاننامەیەکدا ڕایگەیاند، بە لەبەرچاوگرتنی تێکچوونی بارودۆخی ئێران، باڵوێزخانەی ڕووسیا پێشنیازی ئەوە دەکات کە هاووڵاتییانی ڕووسیا بۆ ماوەیەکی کاتی خۆیان لە گەشتکردن بۆ ئێران بەدوور بگرن، تا ئەو کاتەی دۆخەکە ئاسایی دەبێتەوە.

 

لەلایەکی دیکەوە: دیمیتری پێسکۆڤ، گوتەبێژی کۆشکی کریملن ڕایگەیاند، ڕووسیا پەیوەندی چڕوپڕ لەگەڵ سەرجەم لایەنەکانی ڕۆژهەڵاتی ناوەڕاست ئەنجام دەدات، داواش لە هەموو لایەنەکان دەکات خۆیان لە شەڕ و تووندوتیژی بەدوور بگرن.

 

ئەمەش بزانە: دواجار دوێنی شەو 2-10-2024 ،  مەسعود پزیشکیان، سەرۆککۆماری ئێران، ڕایگەیاند کە ئەگەر ئیسرائیل هێرشبکاتە سەرمان وەڵامی دەدەینەوە. 

 

باکگراوند: دوای کوژرانی حەسەن نەسڕوڵڵا، ئەمینداری گشتیی حیزبوڵڵای لوبنان لە لایەن ئیسرائیلەوە، گرژیی و ئاڵۆزیی ناوچەکەی داگیرکردووە، ،مەترسیی پەرەسەندنی شەڕەکە لە بەرزبوونەوەدایە.