وەزارەتی پەروەردە بەهۆی هەڵبژاردن هەفتەیەک پشووی ڕاگەیاند

ئاڤا نیوز

بەهۆی هەڵبژاردنی پەرلەمانی کوردستان، وەزارەتی پەروەردەی هەرێمی کوردستان لەسەر داوای کۆمیسیۆنی باڵای سەربەخۆی هەڵبژاردنەکانی عێراق هەفتەیەک پشووی ڕاگەیاند.

 

چیرۆکی سەرەکی: بەپێی نووسراوێکی وەزارەتی پەروەردە، لە ڕۆژی 15 تاوەکو 21ی ئەم مانگە لە سەرجەم ناوەندەکانی خوێندن حکومی و ناحکومی بە قوتابخانە نێودەوڵەتییەکانیشەوە پشووی فەرمی دەبێت، ڕۆژی 22-10-2024 دەست بە دەوەام دەکرێتەوە.

 

لێدوانی فەرمی: د.سامان سیوەیلی، گوتەبێژی وەزارەتی پەروەردە بە ئاڤا نیوزی گوت: کاتژمێر 3:00ی ئەمڕۆ پێنجشەممە، وەزیری پەروەردە واژۆی لەسەر داواکەی کۆمیسیۆن کرد، کە داوای کردبوو هەفەتەیەک لە ناوەندەکانی خوێندن بکرێتە پشوو.

 

باکگراوند: بڕیارە 20ی ئەم مانگە هەڵبژاردنی خولی شەشەمی پەرلەمانی کوردستان بکرێت، هاوشێوەی هەڵبژاردنەکانی ڕابردوو سندووقی دەنگدان لە قوتابخانەکان دادەنرێن.

دەقی نووسراوی وەزارەتی پەروەردە: