جێگری سەرۆکی پارتی: دەبێت بایەخی تەواو بە هونەرمەندان بدرێت و ڕێزیان لێبگیرێت

ئاڤا نیوز

 

لە چواچێوەی بانگەشەی هەڵبژاردنی پارتی لە هەولێر، مەسرور بارزانی، جێگری سەرۆکی پارتی، گوتی: هونەرمەندی گەورە و لێهاتوومان هەیە و خاوەن بەهرەی جیاوازن بەڵام وەکو پێویست بەرهەمەکانیان پارێزراو نەبووە.

 

وێنە گەورەکە: ڕۆژی 25-9-2024، بانگەشەی هەڵبژاردن دەستیپێکرد، پارتی دیموکراتی کوردستانیش وەکو هێزێکی دیاری و کاریگەری کوردستان بەشداریی لەو پڕۆسەیە کردووە، هەر لەو چوارچێوەیەدا مەسرور بارزانی، جێگری سەرۆکی پارتی دیموکراتی کوردستان لەگەڵ بەشێک لە کەسایەتییە دیارەکانی شاری هەولێر و گەنجان و لاواندا کۆبووەتەوە و بەوبۆنەیەوە چەندین وتاری پێشکەش کردووە.

 

چیرۆکی سەرەکی: لەمیانەی بانگەشەی هەڵبژاردن بۆ لیستی 190ی پارتی دیموکراتی کوردستان، مەسرور بارزانی، جێگری سەرۆکی پارتی دیموکراتی کوردستان ڕایگەیاند: هونەرمەندی گەورە و لێهاتوومان هەیە و خاوەن بەهرەی جیاوازن، بەڵام وەکو پێویست بەرهەمەکانیان پارێزراو نەبووە، لە کابینەی نوێیەم کارمان لەسەر پاراستنی بەرهەمی هونەرمەندان و ڕێزگرتنی تواناکانیان کردووە، وە لەم کابینەیەشدا بەردەوام دەبین".

 

باکگراوند: ىڕیارە ڕۆژی 20-10-2024، هەڵبژاردنی گشتیی خولی شەشەمی پەرلەمانی کوردستان دەکرێت.