بۆریی ئاوی ئیفراز سێی هەولێر چاككرایەوە و دابەشكردنی ئاو دەستی پێكردەوە

ئاڤا نیوز

 

دوای كاركردنی بەردەوامی تیمی چاككردنەوەی تۆڕەكانی بەڕێوەبەرایەتیی ئاوی هەولێر بۆ ماوەی 13 كاتژمێر، بۆریی ئاوی ئیفراز سێ چاككرایەوە و دابەشكردنی ئاو دەستی پێكردەوە.

 

لێدوانی فەرمی: ڕابەر حوسێن، بەڕێوەبەری ئاوی هەولێر بە ئاڤا نیوزی ڕاگەیاند: بەهۆی كاركردن لە پڕۆژەیەك، سەرلەبەیانیی ڕۆژی پێنجشەممە 3-10-2024، لە سنووری شارۆچكەی عەینكاوە بۆریی گوێزەرەوەی ئاوی ئیفراز سێ شكا و تیمەكانمان دەستبەجێ دەستیان بە كاركردن كرد بۆ چاككردنەوەی.

 

زانیاریی زیاتر: تیمەكانی چاككردنەوەی تۆڕەكانی بەڕێوەبەرایەتیی ئاوی هەولێر بەرەبەیانی ئەمڕۆ دوای زیاتر لە 13 كاتژمێر كاركردن، بۆرییەكەیان چاككردەوە و وێستگەكە كەوتەوە كار و دابەشكردنی ئاو بۆ ئەو گەڕەكانەی كە بەهۆی شكانی بۆرییەكەوە بێ ئاو بوون، دەستیپێكردەوە.

 

ئەوەش بزانە: %40ـی دانیشتووانی شاری هەولێر لەڕێگەی ئیفراز سێیەوە ئاوی خواردنەوەیان پێدەگات.