لە سلێمانی كەسێک بە تۆمەتی دزینی 387 ملیۆن دینار دەستگیر دەکرێت

ئاڤا نیوز

 

بەڕێوەبەرایەتیی پۆلیسی پارێزگای سلێمانی ئاشكرای كرد، كەسێكیان دەستگیر كردووە بڕی 387 ملیۆن دیناری لە ماڵێك لە سنووری قەزای شارەزوور دزیوە.

 

ڕاگەیێنراوی فەرمی: بەڕێوەبەرایەتیی پۆلیسی سلێمانی ڕایگەیاند: دوای ئەوەی هاووڵاتییەک سکاڵای تۆمارکرد کە بڕی 387 ملیۆن دیناری لە ماڵەکەیدا لێ دزراوە، هێزەكانی پۆلیس لێكۆڵینەوە و بەدواداچوونەكانیان دەستپێكرد و دوای وەرگرتنی بڕیاری دادوەر، توانرا لەلایەن مەفرەزەكانی بنکەی پۆلیسی زەڕایەنی سەر بە بەشی پۆلیسی شارەزوورەوە تۆمەتبار بدۆزرێتەوە و دەستگیر بکرێت و دەستبگیرێت بەسەر ئەو پارەیەدا كە تۆمەتبار دزیبووی.

 

لەلایەكی دیكەوە: تۆمەتبار (م، ع، ف) لەدایکبووی ساڵی 1979، دانی بەتاوانەکەیدا ناوە و ئێستا بە بەبڕیاری دادوەر و بەپێی ماددەی 443 لە یاسای سزادانی عیراقی ڕاگیراوە و لێکۆڵینەوەکان بەردەوامن.