كاندیدێكی پارتی: كار بۆ دەركردنی لێبوردنی گشتیی دەكەین

ئاڤا نیوز

 

كاندیدێكی پارتی لە سنووری بازنەی هەولێر بۆ هەڵبژاردنی پەرلەمانی كوردستان ڕایدەگەیێنێت، لە خولی داهاتووی پەرلەمان كار بۆ دەركردنی یاسایەك دەكەن، بۆ ئەوەی لەو ڕێگەیەوە لێبوردنێكی گشتیی بۆ زیندانیان دەربكرێت.

 

وێنە گەورەكە: بانگەشەی هەڵبژاردنی پەرلەمانی كوردستان بەردەوامە و كاندید و لیستەكان تاوەكو 15ـی ئەم مانگە لە بانگەشە و خستنەڕووی بەرنامە و پلانیان بۆ خولی داهاتووی پەرلەمان و كابینەی دەیەمی حكومەتی هەرێمی كوردستان بەردەوام دەبن.

 

لێدوانی فەرمی: شوان شێخ ئەحمەد، كاندیدی ژمارە 36ـی پارتی دیموكراتی كوردستان لە بازنەی هەولێر بە ئاڤا نیوزی ڕاگەیاند: یەكێك لە بەرنامەكانی فراكسیۆنی پارتی لە خولی شەشەمی پەرلەمانی دەركردنی یاسای لێبوردنی گشتیی دەبێت بۆ ئەو زیندانی و ڕاگیراوانەی كە لە زیندانەكانی هەرێمی كوردستانن، بۆ ئەوەی هەلێكی دیكەیان پێ بدرێت و بگەڕێنەوە نێو كۆمەڵگە و خانەوادەكانیان.

 

لەلایەكی دیكەوە: "پڕۆژەكەیان ئەو تاوانانە ناگرێتەوە كە بەپێی دەستوور نابێت لێبوردنی گشتییان بۆ دەربكرێت".  شوان شێخ ئەحمەد وادەڵێت.

 

ئەمەش بزانە: شوان شێخ ئەحمەد پێشتریش ئەندامی پێشووی پەرلەمانی کوردستان بوو.