بایۆمەتری خانەنشینان درێژ دەکرێتەوە

ئاڤا نیوز

 

پێشتر لەلایەن بەڕێوەبەرایەتیی خانەنشینی هەرێمی کوردستان، سەرجەم خانەنشینان ئاگادار کرابوونەوە لە دوو هەفتەدا دەبێت بایۆمەتری تەواو بکەن، بەپێچەوانەوە مووچەکانیان ڕادەگیرێت، بەڵام "ماوەکە تاوەکو دوای هەڵبژاردن درێژکراوەتەوە".

 

لێدوانی فەرمی: سەردار ڕواندزی، بەرپرسی یەکێتیی خانەنشینانی کوردستان/ لقی هەولێر، بە ئاڤا نیوزی ڕاگەیاند: تەنیا دوو هەفتە مۆڵەت بە خانەنشینان درابوو تاوەکو مامەڵەی بایۆمەترییەکانیان تەواو بکەن، بەڵام بەهۆی پرۆسەی هەڵبژاردنەوە وادەکە درێژکرایەوە.

 

زانیاریی زیاتر: لەسەر خانەنشینان کراوەتە مەرج تاوەکو کۆتایی ساڵی 2024 بایۆمەترییەکانیان دەربکەن، پێویستە مامەڵەکانیان لەوبارەیەوە تەواو کردبێت، بەپێچەوانەوە مووچەکانیان ڕادەگیرێت.

 

ژمارەکان وا دەڵێن: لە هەرێمی کوردستان 277 هەزار و 500 خانەنشینی مەدەنی و سەربازی و شارستانی هەیە.

 

ئەوەی پێویستە بیزانیت: دوای هەڵبژاردنی خولی شەشەمی پەرلەمانی کوردستان، جارێکی دیکە دانووستانی نێوان وەزارەتەکانی دارایی عێراق و هەرێمی کوردستان لەسەر پرسی بایۆمەتری و چۆنیەتی پرۆسەکە دەستپێدەکاتەوە.