ئاڤا زانیاریی نوێ لەبارەی دامەزراندنی وانەبێژانی دابڕاو ئاشکرا دەکات

ئاڤا نیوز

 

ئەو مامۆستایانەی وانەبێژبوون و بە هۆکاری جیاواز دابڕابوون، لە ماوەکانی ڕابردوودا وەزارەتی پەروەردە لینکێکی تایبەتی بڵاوکردەوە تاوەکو لەڕێگەیەوە ئەوانەی دابڕاون فۆرمێک پڕکەنەوە بۆ ئەوەی لە دامەزراندنی بە گرێبەست سودمەندبن.

 

لێدوانی فەرمی: د.سامان سیوەیلی، گوتەبێژی وەزارەتی پەروەردەی حکومەتی هەرێمی کوردستان بە ئاڤا نیوزی ڕاگەیاند: فۆرمەکان لەلای پەروەردەی پارێزگا و ئیدارە سەربەخۆکانن و هێشتا نەگەڕێنراوەتەوە، پێمان گوتوون بە زووترین کات بیگەڕێننەوە، بۆیە کە ڕێکارەکانیان تەواوبوون، دەینێرنەوە.

 

زانیاریی زیاتر: لە وەزارەتی پەروەردە داتابەیسێک دروست دەکرێت، زانیاریی مامۆستا وانەبێژە دابڕاوەکانی تێدا داخل دەکرێت، بۆ ئایندە هەر کاتێک پەروەردەی پارێزگا و ئیدارە سەربەخۆکان پێویستیان بە مامۆستا هەبوو، بەپێی داواکارییەکانیان ئەو مامۆستایانە بە گرێبەست دادەمەزرێن.

 

ئەوەی پێویستە بیزانیت: بۆ ئەمساڵ هیچ مامۆستایەکی وانەبێژی دابڕاو دانامەزرێت، بەڵام بۆ ساڵی نوێ بەگوێرەی داواکاری و پێویستی پەروەردەکان ئەو مامۆستایانە دادەمەزرێن کە فەرمانی کارگێڕیان هەبووە.

 

باکگراوند: بە بڕیاری سەرۆکوەزیران مەسرور بارزانی، 38 هەزار مامۆستای وانەبێژ لە سەرجەم پارێزگا و ئیدارە سەربەخۆکان بەگرێبەست کراون.